Hierdie kursus is ontwerp om studente te help met die ontwikkeling van selfinsig en bewustheid van hul keuses, asook die impak wat hierdie keuses op hul Persoonlike- en Finansiële lewe het.  Die fokus val op Persoonlike Groei: Wat dit behels, hoe om areas vir ontwikkeling te identifiseer en hoe gevestigde gewoontes en denkpatrone jou groei kan belemmer.  Studente word geleer wat deursettingsvermoë werklik beteken en hoe om dit te ontwikkel.  Daar word ook ondersoek ingestel na die invloed van spanning op ons besluitneming en gedrag, en hoe dit doeltreffend bestuur kan word om sodoende herhaling van destruktiewe patrone, te voorkom.  Prakties sluit die kursus die opstel van ‘n persoonlike begroting in, gebaseer op die student se unieke inkomste en uitgawes, om finansiële insig en verantwoordelikheid te bevorder.